Ақтау қаласында жолдарды күтіп-ұстау шартына сәйкес мердігер мекеме тарапынан күнделікті санитарлық тазалық жұмыстары жүргізілуде.
Атап айтқанда, орталық автомобиль жолдарында 2 арнайы техниканың көмегімен су себу арқылы жолдарды сыпыру және тазалау жұмыстары атқарылды. Сонымен қатар, 40-қа жуық жұмысшы жұмылдырылып, жол жиектерін қолмен сыпыру жұмыстары ұйымдастырылды.
Қаланың санитарлық тазалығын қамтамасыз етуге бағытталған жұмыстар бекітілген күнделікті кестеге сәйкес тұрақты түрде жалғасатын болады.
Ақтау қаласы әкімдігінің баспасөз қызметі
Ақтауда санитарлық тазалық жұмыстары жүргізілуде
