Жаркентте полиция қызметкерлері Жол жүрісі қағидалары мен қоғамдық тәртіпті өрескел бұзған үйлену тойы кортежінің қатысушыларын анықтады.
Анықталғандай, мерекелік іс-шара кезінде автокөлік жүргізушілері жол қозғалысының басқа қатысушыларына қауіп төндіретін қауіпті маневрлер жасаған. Сондай-ақ көліктердің біріне тиісті рұқсатсыз арнайы дыбыс сигналын беретін құрылғы орнатылған.
Сонымен қатар кортеждің жекелеген қатысушылары тыныштықты бұзғаны үшін әкімшілік жауапкершілікке тартылды.
Анықталған құқық бұзушылықтар бойынша барлығы 8 адам әкімшілік жауапкершілікке тартылды. Бір көлік құралы мамандандырылған тұраққа қойылды.
Полиция қоғамдық тәртіп пен Жол жүрісі қағидаларын өрескел бұзудың бірде-бір дерегі назардан тыс қалмайтынын ескертеді.
Тәртіп заңға және айналадағы адамдарға құрметпен қараудан басталады. Ешқандай мерекелік іс-шара белгіленген талаптарды демонстративті түрде елемеуге және азаматтардың қауіпсіздігіне немқұрайлы қарауға себеп бола алмайды.
Қандай жағдай болмасын, жасына немесе әлеуметтік мәртебесіне қарамастан, кез келген өрескел құқық бұзушылық қолданыстағы заңнамаға сәйкес тоқтатылып, тиісті шаралар қабылданатын болады.
