«Заң мен тәртіп» бастамасы мен «Тұра жол» жобасын ілгерілету шеңберінде «Жас Ұрпақ» Жасөспірімдер үйінің тәрбиеленушілеріне жастардың құқықтық сауаттылығын арттыруға бағытталған ақпараттық-түсіндіру кездесуі өтті.
Іс-шараға Павлодар облысы бойынша ЭТТД өкілі, «Конфессияаралық қатынастарды талдау және дамыту орталығының» психологы, сондай-ақ «Заң мен тәртіп» идеологиясының елшісі қатысты. Кездесу барысында қатысушылар өздерін қызықтырған сұрақтарын қойып, тәжірибелі мамандардан толық жауаптар алды.
Спикерлер қатысушылармен заңнаманы сақтау, қаржылық қауіпсіздік, сондай-ақ психологиялық тұрақтылық және жауапты мінез-құлық мәселелерін талқылады.